Imene Toppelhuus z Arth i dr Heulegi siigid zwee ufenand gsii we Füür und Wasser. Si häigid enand ds Läid gwärched, wass nur häigid chönne. Wo dr äint gschtorbe isch, hed’s im Eschterich vom andere jeden Aabig grumpled. Er häig alig gsäid: «Rumple du nur nu echli, du hesch mi lang gnueg plaaged!»
Er siig aber glii nu gääre zumene Kapiziiner go Mässe la läse, aser Rue überchoo häig. Er hätt’s susch nümme uusghalte.
(mündlich)